കിടയ്ക്കവിരികളിലെ സൃഷ്ടിപരത | ഒരു ഈജിപ്റ്റ് യാത്രയുടെ ഓര്മ്മയ്ക്ക്- 4
പൊരിവെയിലില് നടന്ന് ചരിത്രവും ഭൂമിശാസ്ത്രവും കണ്ട് നേരമിരുട്ടുമ്പോഴേയ്ക്കും, തണുത്ത വെള്ളത്തിലൊന്നു കുളിച്ച് എവിടെയെങ്കിലും കിടന്നാല് മതി എന്ന അവസ്ഥയിലാവും നമ്മള്. അങ്ങിനെ ചെല്ലുമ്പോഴാണ് റൂമില് കിടയ്ക്കവിരികളും ബാത്ടവലുകളും കൊണ്ട് ആരോ വളരെ മനോഹരങ്ങളായ ഓരോ കലാസൃഷ്ടികളുണ്ടാക്കി വെച്ചിരിയ്ക്കുന്നത് കാണുക.
അപ്പോള് ആ ക്ഷീണമൊക്കെ മറന്ന് ഇത് എങ്ങിനെയുണ്ടാക്കി എന്നും ആര് ഉണ്ടാക്കി എന്നുമൊക്കെ ആലോചിച്ച് കുറേനേരം അവ നോക്കിയിരിയ്ക്കും. പിന്നെ മനസ്സില്ലാ മനസ്സോടെ അതില് നിന്ന് ടവല് എടുത്ത് കുളിയ്ക്കാന് പോകും.
ഏതായാലും നമ്മളായിട്ട് ഇത് നശിപ്പിയ്ക്കണം എന്നാല് പിന്നെ ഫോട്ടൊ ഒക്കെ എടുത്ത് ആഘോഷമായിട്ടാവാം എന്ന് ബാമിയാന് ബുദ്ധനെ തകര്ത്ത താലിബാന് സ്റ്റൈലില് ചിന്തിച്ച് എടുത്ത ഫോട്ടോകള് കഴിഞ്ഞ രണ്ടുമൂന്നു പോസ്റ്റുകളിലായി പഴമ്പുരാണം കണ്ടും കേട്ടും മടുത്ത നിങ്ങള്ക്കായി ഇതാ...
അപ്പോള് ആ ക്ഷീണമൊക്കെ മറന്ന് ഇത് എങ്ങിനെയുണ്ടാക്കി എന്നും ആര് ഉണ്ടാക്കി എന്നുമൊക്കെ ആലോചിച്ച് കുറേനേരം അവ നോക്കിയിരിയ്ക്കും. പിന്നെ മനസ്സില്ലാ മനസ്സോടെ അതില് നിന്ന് ടവല് എടുത്ത് കുളിയ്ക്കാന് പോകും.
ഏതായാലും നമ്മളായിട്ട് ഇത് നശിപ്പിയ്ക്കണം എന്നാല് പിന്നെ ഫോട്ടൊ ഒക്കെ എടുത്ത് ആഘോഷമായിട്ടാവാം എന്ന് ബാമിയാന് ബുദ്ധനെ തകര്ത്ത താലിബാന് സ്റ്റൈലില് ചിന്തിച്ച് എടുത്ത ഫോട്ടോകള് കഴിഞ്ഞ രണ്ടുമൂന്നു പോസ്റ്റുകളിലായി പഴമ്പുരാണം കണ്ടും കേട്ടും മടുത്ത നിങ്ങള്ക്കായി ഇതാ...
അരയന്നങ്ങളുടെ വീട്...
വല്ലഭനു ബെഡ്ഷീറ്റും ടിഷ്യുവും കണ്ണടയുമൊക്കെ തന്നെ ധാരാളം
ഒരു പുഷ്പം മാത്രമെന്...
റിമോട്ട് എടുക്കാന് ധൈര്യമുണ്ടോ?
സമര്പ്പണം: എക്സ്ട്രാ മൈല് എന്നാല് നേര്യമംഗലത്ത് നിന്ന് മൂന്നാറ് ബസ് പിടിച്ച് പോകേണ്ട ഒരു സ്ഥലമല്ലെന്നും, നമുക്കു വലിയ ചിലവില്ലാതെ മറ്റുള്ളവരുടെ മനം നിറയ്ക്കുന്ന ഏര്പ്പാടാണെന്നും കാണിച്ചു തന്ന നൈല് ക്രൂസ് ഷിപ്പിലെ കലാകാരന് & റൂം-ബോയ് അബുവിന്.
