ചാലക്കുടിപ്പുഴയ്ക്കരികില് നിന്ന്...
ഇന്ന് കര്ക്കിടകം ഒന്ന്. കുറച്ചു ദിവസങ്ങളായി നിര്ത്താതെ പെയ്യുന്ന മഴ. ഇവിടെ പെയ്തതിലും വളരെയധികം കിഴക്ക് സഹ്യനില് പെയ്തതുകൊണ്ടാവണം പന്ത്രണ്ട് വര്ഷങ്ങള്ക്ക് ശേഷം പെരിങ്ങല്കുത്ത് ഡാം തുറന്നു. ചാലക്കുടിപ്പുഴ ചന്ദനച്ചോലയില് നിന്ന് ഭാവപ്പകര്ച്ച നടത്തി രൗദ്രഭാവം പൂണ്ട് അറബിക്കടലിലേയ്ക്ക് കലിയിളകി പായുന്നു. പടമെടുക്കുമ്പോളും ഇതെഴുതുമ്പോളും മഴ ചനുപിനെ പെയ്തുകൊണ്ടിരിയ്ക്കുകയാണ്.പുഴ കരകവിഞ്ഞ് പറമ്പുകളിലേയ്ക്കും പാടങ്ങളിലേയ്ക്കും പരന്ന് തുടങ്ങിയിരിയിട്ടുണ്ട്. ഇത്രയൊക്കെയായാലും ഇതുവരെ കറണ്ട് പോയിട്ടില്ല, ഇന്റര്നെറ്റ് കണക്ഷനും കുഴപ്പമില്ല അതുകൊണ്ട് ഇത് വേഗം പോസ്റ്റ് ചെയ്യുന്നു... ബൂലോഗത്തിനു വേണ്ടി ചാലക്കുടിപ്പുഴക്കരയില് നിന്ന് (ഇറങ്ങിനില്ക്കാന് ധൈര്യമില്ല) റിപ്പോര്ട്ട് ചെയ്യുന്നത് ഒരു പുള്ളി.
