മായാവാദം പറയുന്നതെന്തെന്നാല്‍; എല്ലാം മായയാണ്‌ മോനേ ദിനേശാ...
പട്ടിയും റൊട്ടിയും ചിത്രകാരന്‍ വെള്ളകാന്‍വാസ്‌ കാണിച്ചു പറയുന്നതെന്തെന്നാല്‍; പട്ടി റൊട്ടിതിന്നു, റൊട്ടി തിന്നാല്‍ പട്ടിയ്ക്ക്‌ പിന്നിവിടെന്ത്‌ കാര്യം പട്ടി പോയി അതുകോണ്ട്‌ വെള്ള കാന്‍വാസ്‌ മാത്രം ബാക്കി...
പുരാതന ചൈനീസ്‌ ബുദ്ധധര്‍മ്മ കടലാസു ചുരുള്‍, കാലിഗ്രാഫിയ്ക്കിടക്ക്‌ ഒരു വട്ടം വരച്ചു പറയുന്നതെന്തെന്നാല്‍; കാളയും മനുഷ്യനും രണ്ടും പോയി അതിനാല്‍ ഈ വട്ടം മാത്രം ബാക്കി...
തെന്നാലിരാമന്‍ പറയുന്നതെന്തെന്നാല്‍; മായവാദക്കാരന്‍ ഊണുകഴിക്കുന്നതായി സങ്കല്‍പ്പിച്ചോട്ടെ, നമുക്കു പോയി വയര്‍നിറയെ കഴിയ്ക്കാം.
ഇത്രയൊന്നും ആലോചിച്ച്‌ തലപുണ്ണാക്കന്‍ സമയമില്ലാത്ത അന്നത്തെ അന്നത്തിനായി അദ്ധ്വാനിക്കുന്നവന്‍ പറയുന്നു ഇതു വരെ അറിഞ്ഞിടത്തോളം പരമമായ സത്യം വിശപ്പാണ്‌
താങ്കളെന്തു പറയുന്നു?
സ്ഥലം: എമ്പയര്‍സ്റ്റേറ്റ്‌ ബില്‍ഡിംഗ്‌, ന്യൂയോര്‍ക്‌
സ്ഥലം: ഗ്രൌണ്ട്‌ സീറൊ, ന്യൂയോര്‍ക്ക്‌
അടുത്തയിടെ ഒരു സാംസ്കാരികസംഘടനയുടെ ചടങ്ങില്‍ പങ്കെടുക്കാന്‍ സിംഗപ്പൂരില്‍ എത്തിയ ശ്രീ ബാലചന്ദ്രന്‍ ചുള്ളിക്കാട്‌ രോഗബാധിതനായതിനെ തുടര്‍ന്ന്‌ ഇവിടെ ഒരു ആശുപത്രിയില്‍ പ്രവേശിപ്പിച്ചു. രോഗം ഭേദമായപ്പോള്‍ തന്നെ സഹായിച്ചവര്‍ക്കു സമര്‍പ്പണമായി എഴുതിയ കവിതയാണ്‌ ഇത്‌. കവി സ്വന്തം കൈപ്പടയിലെഴുതിയത്‌...
വലുതായി കാണുവാന്‍ ചിത്രങ്ങളില്‍ ക്ലിക്‌ ചെയ്യുക
പണ്ടു പണ്ട്‌ വളരെ സുന്ദരനും ധീരവീരപരാക്രമിയുമായ ഒരു രാജകുമാരനുണ്ടായിരുന്നു.
ഏഴുകടലുകള്‍ക്കപ്പുറത്ത്‌ ഏഴുനിലകളുള്ള ഒരു കൊട്ടാരത്തില്‍ ആയിരുന്നു രാജകുമാരന്‍ താമസിച്ചിരുന്നത്‌. അദേഹത്തിന്‌ ദൂരദിക്കുകളില്‍ നിന്നുപോലും കപ്പം കിട്ടിക്കൊണ്ടിരുന്നു. ഏഴു കടലുകള്‍ക്കപ്പുറത്തുനിന്നും മുത്തും പവിഴവും നിറച്ച കപ്പലുകള്‍ കൊട്ടാരത്തിലെക്ക്‌ ദിനം പ്രതി വന്നുകൊണ്ടിരുന്നു...
സ്ഥലം: ഷിബുയ, ടൊക്യൊ, ജപ്പാന്‍.
സ്ഥലം: മൌണ്ട്‌ ഓഫിര്‍, റ്റിറ്റിവാങ്ങ്‌സാ പര്‍വ്വതനിരകള്‍, മലേഷ്യ.
ചിത്രങ്ങളില്‍ ക്ലിക്കിയാല്‍ കുറച്ചുകൂടി വലുതായി കാണാം.
സ്ഥലം: കോട്ടാ തിങ്ഗീ (Kota Tinggi), ജോഹോര്‍ ബാഹ്‌റു, മലേഷ്യ.
സുഹൃത്ത്‌ ഫോണ്‍ ചെയ്തു ചോദിക്കുന്നു "ഇന്നു്‌ ഓണല്ലേ....!"
ഞാന് "അതെ, താന്‍ ഓഫാ?"
സുഹൃത്ത്‌: "ഏയ്‌ ഞാനും ഓണാ, ഇന്നു സ്പെഷ്യല്‍ കഞ്ഞിപാര്‍ച്ച ഉണ്ടത്രേ, വേഗം പോയി കുമ്പിളുണ്ടാക്കട്ടെ"
കഞ്ഞിക്കുവേണ്ടി ഓണാഘോഷിക്കുന്ന കോരന്മാര്‍ക്കും, ഓണാഘോഷിക്കാന്‍ ഓഫായിരിക്കുന്ന ഭാഗ്യശാലികള്‍ക്കും ഹൃദയം നിറഞ്ഞ ഓണാശംസകള്‍!
സ്ഥലം: ബാതാം ദ്വീപ്‌, റിയാവു പ്രവിശ്യ, ഇന്തൊനേഷ്യ.
ടോക്യോവിലെ ഒരുഗ്രന്‍ കലാരൂപമാണ്‌ ഇത്‌.
കലാകാരന്‍ ഫ്രെഞ്ച്‌ ആര്‍കിടെക്റ്റ്‌ Philippe Starck.
Asahi ബിയറിന്റെ കെട്ടിടത്തിന്റെ മുകളിലാണ്‌ കക്ഷി കാര്യം സാധിച്ചത്‌.
ഇദ്ദേഹത്തിനു മനസ്സില്‍ ഒരു സ്വര്‍ണ ജ്വാല നിര്‍മ്മിക്കണമെന്നാണ്‌ ഉണ്ടായിരുന്നതത്രേ. extra dry ബിയറും, സ്വര്‍ണ്ണജ്വാലയും തമ്മില്‍ ഒരു ബന്ധമൊക്കെയുണ്ട്‌.
എന്നിരുന്നാലും, റ്റോക്യൊവിലെ സാധാരണ ജനങ്ങള്‍ക്കിടയില്‍ ഇതു സുരേഷ്‌ ഗോപിയുടെ കെട്ടിടമെന്നാണ്‌ അറിയപ്പെടുന്നത്‌.
ആദ്യം പറഞ്ഞതൊര്‍മ്മയില്ലേ.. അനുവാചകന്റെ കണ്ണിലാണ്‌......
സ്ഥലം: Equinox ബാര്‍ . ഒരു ഹോട്ടെലിന്റെ 70-ാ‍ം നിലയില്‍. സിംഗപ്പൂര്‍ നഗരമധ്യം.
ഒന്നും ചെയ്യേണ്ടാത്ത ജോലി വളരെ ബുദ്ധിമുട്ടാണ്‌, എപ്പോഴാണ്‌ കഴിയുക എന്നു പറയാന്‍ പറ്റില്ലല്ലോ! പക്ഷെ ഇതില്‍ കിട്ടുന്ന ആത്മസംതൃപ്തി അപാരം...
നാട്ടിലെ, അമ്മയുടെ പൂന്തോട്ടത്തിലെ ഒരു പൂവാണു താഴെ. ഒരു ആദ്യദര്‍ശനാനുരാഗം. ഇതിന്റെ ഒരു പ്രസരിപ്പും നോട്ടവും ഒക്കെ എനിക്കങ്ങു ബോധിച്ചു. നേരില്‍ കാണാന്‍ ഇതിലും വളരെ സുന്ദരി...
"ഉണ്ണി കിണറ്റില്‍ വീണു! അകത്തുള്ളാള്‍ക്കു പ്രസവ വേദന! ഇല്ലത്തിനാച്ചാല്‍ തീയും പിടിച്ചുത്രേ! കേശവാ ആ ചെല്ലം ഒന്നിങ്കട്‌ എടുക്ക്വാ, ഞാനൊന്നു മുറുക്കട്ടെ" എന്നു എതൊ ഒരു സരസന്‍ നമ്പൂരി പറഞ്ഞ കണ്ടീഷനിലാണ്‌ ഞാനിപ്പൊ.
തല കുത്തി നിന്നാല്‍ തീരാത്തത്ര ജോലി ഓഫീസില്‍ - വൈകിയെ വീട്ടിലെത്തൂ, പാര്‍ട്ട്‌ ടൈം പഠിക്കാനുള്ളതിന്റെ അസ്സൈന്മേന്റ്‌ ഡ്യൂ ആയി, ഞാന് താമസിക്കുന്ന വീടു വൃത്തിയാക്കാന്‍ അയല്‍പക്കത്തുകാര്‍ എപ്പൊ വേണമെങ്കിലും പറയാം... എന്നല്‍ ഇനി ഇപ്പൊ ഒരു ബ്ലൊഗു അങ്ങു തുടങ്ങിയാലെന്താ?
തിരിച്ചറിവില്ലാത്ത കുട്ടി ഒന്നുമല്ലല്ലോ, അറിയാത പിള്ള ചൊറിയുമ്പൊ അറിയട്ടെ...
ഇതിലിപ്പൊ ഞാന് എന്താ ചെയ്യാന്‍പോണേന്നു വല്ല്യ പിടി ഒന്നും ആയിട്ടില്ല. എന്തെങ്കിലും ഒന്നു തോന്നിയാല്‍ പിന്നെ അതങ്ങു ചെയ്യണം എന്നേ ഉള്ളൂ. ഏനിക്കും ഒന്നു ബ്ലോഗണം എന്നു തോന്നി, കേറി ബ്ലോഗി. എടുത്തോ-തൊടുത്തോ-ഉന്നം പിടിച്ചോ എന്ന ക്രമത്തിലാണു കാര്യങ്ങള്‍ പൊതുവേ...
തല്‍ക്കാലം കുറേ പടങ്ങള്‍ കൊണ്ടു നിറക്കാം എന്നു കരുതുന്നു. ഒരു പടത്തിനു ആയിരം വാക്ക് എന്നാണല്ലോ അന്താരാഷ്ട്ര വിനിമയനിരക്ക്‌. പറ്റിയ പടമൊന്നും ഒത്തു വന്നില്ലെങ്കില്‍ കൊറേ വാക്കുകള്‍ താങ്ങും.
:: മുന്‍ കൂര്‍ ജാമ്യം :: വായിക്കുന്ന/കാണുന്ന വര്‍ ഇന്നതു തന്നെ മനസ്സിലാക്കണം എന്നു യാതൊരു കടുമ്പിടുത്തവും നമുക്കില്ല. അനുവാചകന്റെ കണ്ണിലാണ്‌ അര്‍ഥം കിടക്കുന്നത്‌.
© Free Blogger Templates 'Photoblog II' by Ourblogtemplates.com 2008
Back to TOP
